Vörur

Póstlisti

Örugg greiðslugátt Borgunar

1.Upplýsingar um jólaleyniprjón 2018

0
 ****Vinsamlegast lesið allan þennan texta og farið svo í að panta garnið, þó það standi uppselt hér, er ekki uppselt í leyniprjónið, þetta er aðeins upplýsingaþráður. ***
 

 Leynisamprjón með Handprjón og Auði Björt.

 Um er að ræða sjal, sem hannað er sérstaklega fyrir þetta leyniprjón og er eins og áður, eins beggja vegna.

 

Sjalið ætti að henta flestum sem kunna grunnatriði í prjóni, þ.e.

 

Slétt
Brugðið
Auka úr
Taka úr.
Taka upp lykkjur (sem verður kennt með myndbandi)

En athugið samprjónið er ekki eiginleg prjónakennsla fyrir byrjendur.

 

Uppskriftin ein og sér er ekki til sölu, en aðgangur að leyniprjóninu og uppskriftin er frí og þarf einungis að kaupa hjá okkur Madelinetosh Merino light, Hedgehog fibres, Wollmeise Pure, Martins lab, misjafnan fjölda hespa eftir garni,  til að geta verið með.

 

Allt garnið er handlitað  litlum lotum, svo ekki er hægt að ná 100% eins lit á milli sendinga en við myndatöku er reynt að ná fram litum eins nákvæmlega og augað greinir.

 

Sjalið er einlitt og höfum við valið fallega liti sem okkur finnst henta í sjalið, en að sjálfsögðu getur þú valið þinn lit í versluninni.

Prjónastærð í leyniprjóninu er 3,5 - 4mm.


Ef Auður Björt hefur einhvern tímann slegið sjálfa sig út í hönnun, er það núna!  Og að sjálfsögðu er boðið upp á myndbönd eins og áður, með leiðbeiningum með þeim hluta uppskriftar.

 

Uppskriftin er á íslensku og hún og öll aðstoð sem til þarf veitt í lokuðum Facebook hóp.

ATH. Hægt verður að spyrja spurninga í hópnum á hvaða stigi prjónsins sem er.

 

Við hefjum samprjónið 24. desember þegar fyrsta vísbending verður send út, síðan verða sendar út vísbendingar 3x í viðbót og sú síðasta 1.1.2019

 

Ekkert mál er að byrja á hvaða tímasetningu sem er í samprjóninu eftir 24.12 og klára þegar þér hentar, þó svo að vísbendingar komi hratt inn,

 

Þegar þú ert búin/n að senda á okkkur pöntun, eða mæta í verslun til að kaupa garn, færðu boð í hópinn, sem er lokaður.

 

Þú velur einnig hvort senda eigi garnið með Póstinum og þá skv. gjaldskrá Póstsins eða hvort þú viljir sækja til okkar í verslunina.

Að sjálfsögðu þarf ekki endilega að panta hér á netinu, allir velkomnir í verslunina til okkar.

 

-----  Athugið í verslun er mun fleiri samsetningar og margt hægt að setja saman á staðnum, svo ef þú átt þess kost að kíkja á okkur, endilega gerðu það, því það sem er hér inni er afar takmarkað úrval miðað við það sem er á staðnum. En ekki hugsa lengi flestar samsetningar eru aðeins til í takmörkuðu magni og sumar hverjar bara í eitt sjal.

 

Uppselt